Ашыгыч ярдәм бүлегенә көнкүрештә тән җәрәхәтләре алып мөрәҗәгать итүчеләр саны арткан

Район үзәк хастаханәсенең ашыгыч ярдәм бүлегенә көнкүрештә тән җәрәхәтләре алып мөрәҗәгать итүчеләр саны арткан. “Мөрәҗәгатьләрнең күбесе егылу, сыдырылу, бәрелү белән бәйле. Аеруча 6-12 яшьлек балаларны күп алып киләләр. Самокаттан, велосипедтан егылып, аяк-кулларын тайдыручылар, җитди имгәнү алучылар да бар. Җәйге чорда электр самокатыннан егылып зыян күргән дүрт бала хастаханәгә салынды. Электр самокатында йөрү еш кына имгәнүләр, аяк-куллар сыну һәм баш мие селкенү белән тәмамлана. Әти-әниләр балаларына куркыныч уенчык алганчы уйлансын иде. Сәламәтлекне югалтканчы кайгыртырга кирәк”, – ди ашыгыч ярдәм бүлегенең өлкән фельдшеры Гөлфирә Сабирова. 

Фото:Татар-информ