Эшне – ныклы нигездән

Кибетләрдә катык, сөт, каймакның нинди генә төрләре юк! Соңгы араларда киштәләрдә күренә башлаган каймакны кайдан китерүләре белән кызыксындым. Аны Игенче авылыннан Венера Кадыйрова алып килә икән.

Венера – Тойгелде авылы кызы. Кечкенәдән әнисе янында, ихата тутырып мал асраган гаиләдә сөт продуктларының ничек җитештерелүен күреп үсә ул. 2005 елны һөнәри училищеның пешекчеләр әзерли торган төркемен “5”ле билгеләренә генә тәмамлаган кызның үз эшен ачасы табигый кебек. Венера – аш-су остасы, яңа башлангычлар ярата.

– Хөкүмәткә эшләгәнче, үзеңә эшләү отышлы дип, тормыш иптәшем белән үз эшебезне башларга булдык. Районның авыл хуҗалыгы һәм азык-төлек идарәсе аша “Агростартап” дәүләт ярдәме программасында катнашып карарга булдык. Программада катнашу өчен терлекләребез дә, җиребез дә, техникабыз да бар иде, – ди Венера.

Тулырак «Авыл утлары» газетасының 2024 ел өчен 11 октябрь саныннан укыгыз.

Фото – В.Кадыйрованың шәхси архивыннан