Кичә 1 октябрь көнне, ил күләмендә Өлкәннәр көне билгеләп үтелде

"Интернатта тәрбияләнүче өлкәннәрне бәйрәм белән тәбрикләргә бик күп кунаклар килде. Район башкарма комитеты җитәкчесенең социаль-мәдәни мәсьәләләр буенча урынбасары Марина Бәдретдинова җитәкчелегендәге делегация өлкәннәрне тәбрикләп котлау сүзләрен җиткерде.

Барлык өлкәннәргә бәйрәм күчтәнәчләре таратылды. Күчтәнәчләрне Зөлфия һәм Фаит Шәймурзиннар гаиләсе әзерләгән. Бәйрәм чарасы район мәдәният йорты хезмәткәрләре тарафыннан әзерләнгән матур концерт белән дәвам итте.

“Бүгенге бәйрәм һәр өлкәнебезгә бик ошады,” - дип хәбәр итәләр район картлар һәм инвалидлар йортыннан.

Фотолар - Мөслим картлар һәм инвалидлар интернат-йортыннан.