Хәл итәсе мәсьәләләр бар

Хәл итәсе мәсьәләләр бар

Авыл башлыклары беренче яртыеллыкта башкарылган эшләр буенча хисап тота.

Җыеннарда район җитәкчелеге катнашты һәм халыкны 8 сентябрьдә узачак ТР Дәүләт Советына сайлауларда катнашырга чакырды.

Баланлы авыл җирлегендә узган җыенда халык бертавыштан Мөслим – Олы Чакмак юлы торышына игътибар итүне сорап, ремонт мәсьәләсен күтәрде.

– Мөслим – Олы Чакмак юлы күләмле ремонт таләп итә. Асфальтның җимерелүенә авыр йөк машиналары сәбәпче. Элеккеге проект белән салынган юллар зур йөкләнешкә исәпләнмәгән. 2025 елда юл проблемасы хәл ителер, дип өметләнәбез, – диде район башлыгы Альберт Хуҗин.

– Соңгы елларда авылларда мал асраучылар саны кимеде. Авылдашларыбыз моның сәбәбен терлек азыгына бәяләр күтәрелүгә бәйләп аңлата, – ди Баланлы авыл җирлеге башлыгы Илгизә Гыйльфанова.

Баланлы мәктәбе ябылу сәбәпле, быел Шуганка һәм Баланлы авылларыннан балалар район үзәгендәге мәктәпләрдә укыячак. Аларны йөртү өчен махсус автобус билгеләнгән.

Лилия Шәймиева фотосы