Тыл ветераннарына юбилей медальләре бирелде

Олы Чакмак авылында гомер итүче тыл ветераннары Зәкиева Шәкүрә Әхмәтвәли кызына, Нуретдинова Наҗия Габдрәхим кызына, Кашапова Халисә Кашап кызына, Нәгыймов Әнвәр Нәгыйм улына, Гыйльманова Фәридә Гыйзетдин кызына "Бөек Ватан сугышында Җиңүгә 80 ел" юбилей медальләре бирелде."Район җитәкчелегенең бүләкләре белән бергә аны өлкәннәребезгә җирлек башлыгы Илнур Габидуллин, районның финанс-бюджет палатасы рәисе Наилә Бубекова тапшырды.
Шундый ук медаль белән Олы Чакмакта гомер итүче Шиһапова Роза Хамиделхак кызы да бүләкләнгән иде", - дип хәбәр итәләр район хакимиятенең матбугат хезмәтеннән.

Фотолар - район хакимиятенең матбугат хезмәтеннән.