Татарстанда яшәүче ир-ат, машина сатып алам дип, 1,5 млн сум акчасын мошенникларга биргән
Бу хакта Татарстан Республикасы буенча Эчке эшләр министрлыгы хәбәр итә.
Татарстанда яшәүче ир-ат, машина сатып алам дип, 1,5 млн сум акчасын мошенникларга биргән
Татарстанның Чистай районы Каргалы авылында яшәүче 27 яшьлек ир-ат мошенникларга 1,5 миллион сумнан артык акча күчергән. Бу хакта Татарстан Республикасы буенча Эчке эшләр министрлыгы хәбәр итә.
Хокук саклау органнарының мәгълүматларына караганда, ир-ат автомобиль сатып алмакчы булган һәм мессенджерда кызыклы белдерү тапкан. Ул сатучы белән элемтәгә кергән, сату-алу турында килешү төзегән, аннары таможняда рәсмиләштерү өчен 579 мең сум һәм автомобиль өчен тагын 980 мең сум акча күчергән. Шуннан соң аферистлар югалган һәм элемтәгә чыкмый башлаган.
Аеруча зур күләмдәге мошенниклык факты нигезендә җинаять эше ачылган.
Чыганак: https://tatar-inform.tatar/news/tatarstanda-yasauce-ir-at-masina-satyp-alam-dip-15-mln-sum-akcasyn-mosenniklarga-birgan-5924902
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев