Тиеш булмаган урыннарда машина кую тыела

Күпфатирлы йортлар ишегалдына машина куючыларны ачыклау максатыннан Мөслим авылының үзәк урамнарында рейд үтте.

“Тиеш булмаган урыннарга автотранспорт куючылар ашыгыч хезмәтләргә керү юлларын каплый. Андый шоферлар турында мәгълүмат “Халык контроле” системасы аша килә. “Тукталыш тыела” дигән юл билгесен үтеп, күпфатирлы йортлар территориясенә машинасын куйган өч шоферга – 1500 сум, ашыгыч ярдәм машинасына керү юлында тоткарлык тудырган ике машина йөртүчегә 1000 сум күләмендә штрафка нигез булып торучы административ беркетмә төзелде”, – ди районның ДАИ җитәкчесе Феликс Мәгъданов.

 Илназ Әхмәдуллин фотолары.