Коткаручылар урмандагы иң төп куркыныч турында әйтте
Россиянең атказанган коткаручысы Сергей Щетинин «Радио 1» белән әңгәмәдә урманга гөмбә һәм җиләк җыярга барганда төп куркыныч учакларда түгел, ә адашуда, дип сөйләде
Янгынга каршы махсус режим вакытында урманга кереп учак ягу, ял итү һәм шашлык кыздыру тыела, дип аңлатты ул. Коткаручы сүзләренчә, 10-20 метрга читкә китеп тә бик җиңел адашырга мөмкин.
Урманга барыр алдыннан Щетинин вак-төяккә игътибар итәргә киңәш итте: ачык төстәге кием кияргә, су запасы тутырылган кечкенә рюкзак, телефон һәм пауэрбанк алырга. Хроник авырулар булганда дарулар запасын салырга кирәк.
Коткаручы адашкан кеше өчен гамәлләр алгоритмы гади дип аңлата: паникага бирелмәскә һәм шунда ук 112 шалтыратырга. Урманнар тайга кебек зур түгел, һәм коткаручылар, урманчылар ярдәмгә киләчәк. 112 хезмәте диспетчерлары шалтыратучының координаталарын аның рөхсәте белән билгели алалар.
Әгәр телефон ватылса, ә ярдәм караңгы төшкәнче килмәсә, Щетинин калку урын табарга һәм төн кунарга урын оештырырга, шулай ук таныш булмаган җиләкләрне ашамаска киңәш итте.
Коткаручыларның эшен җиңеләйтү өчен, урманга китәр алдыннан туганнарыңа маршрут һәм кайтыр вакыт турында хәбәр итәргә кирәк. Әгәр адашсаң, тавышны тыңларга кирәк: янгын сүндерү машинасының сиренасы ерактан ишетелә, һәм тавышка бару – кешеләргә юл табу өчен иң яхшы мөмкинлек.
Чыганак: Татар-информ
Фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев