Кичә «Миләшкәй» балалар бакчасында «Бала - төп пассажир» исемле акция узды

Республикакүләм оештырылучы мондый махсус чаралар балаларны юлда йөртү белән бәйле кагыйдәләрне бозуга юл куймауга юнәлдерелгән.

Бу максатта миләшкәйлеләр әти-әниләр өчен фотоконкурс оештырганнар. Чарада нәниләр шигырь юллары белән юл йөрү кагыйдәләре турында мәгълүмат бирделәр, әниләр белән бергәләп үзләренең белемнәрен дә сынадылар.

Акциягә нәтиҗә ясау өчен "Юл иминлеге" ДБУнең Сарман һәм Мөслим районнары буенча профилактика бүлеге җитәкчесе Алсу Ситдыйкова, район ДАИ җитәкчесе Феликс Мәгъданов килде. Фотобәйгедә катнашкан гаиләләргә истәлек бүләкләре тапшырылды.

Гөлназ Җәлилова фотолары һәм видеолары.