“Каршы як полоса” операциясе бара

23 майдан республикада “Каршы як полоса” операциясе старт алды. Ул 1 июльгә кадәр дәвам итәчәк. “Республикада теркәлгән юл фаҗигаләренең 70 проценты каршы як полосага чыгу аркасында булган. Җирлегебездә юл-транспорт фаҗигаләрендә ике кеше һәлак булды, дүрт кеше җәрәхәтләнде. Алдагы машинаны уза башлаганчы, машина йөртүче маневрның куркынычсызлыгына һәм юл хәрәкәтендә катнашучыларга комачауламавына инанырга тиеш. “Узып китү тыела” билгесе гамәлдә булган зонада, “тоташ линия” тамгасы булганда, куркыныч борылышларда һәм башка төр куркыныч урыннарда “обгон”га керү тыела”, – ди районның ДАИ җитәкчесе Феликс Мәгъданов.

Фото – Мөслим-информ архивыннан