Язгы каникуллар алдыннан 7 нче сыйныф укучылары өчен юл иминлеге турында профилактик әңгәмә

Язгы каникуллар башланырга да санаулы гына көннәр калды. Шул уңайдан мәктәпләрдә профилактик чаралар үткәрелә. Чираттагысы аның Мөслим урта мәктәбендә оештырылды. Мәктәпнең 7 нче сыйныф укучылары "Юл хәрәкәте иминлеге" дәүләт бюджет учреждениесенең Мөслим һәм Сарман районнары буенча бүлек башлыгы Алсу Ситдыйкова белән очрашты. Алсу Разиновна укучыларга пассажирлар, җәяүлеләр, самокат һәм велосипед йөртүчеләр, шулай ук СИМ (шәхси электр транспорт чаралары) кулланучылар өчен кагыйдәләрне искә төшерде. Чара юллардагы иминлекне чагылдырган слайдлар белән үрелеп барды. 

Фото – Мөслим урта мәктәбеннән