Юлларда иминлек өчен

“Татавтадор” җәмгыятенең Минзәлә филиалы Мөслим участогы каравында 320 километр юл исәпләнә. Шуның 184 километры – асфальт, ә калганы гравий өслекле һәм күтәртелгән юллар. Кышкы чорда участок юлчылары тәүлек әйләнәсе кизү тора. Карлы, буранлы көннәрдә ике машина юлга чыкса, җитешмәгән очракларда тагы ике өстәмә машина әзерлек сызыгында тора. Машиналар иң элек мәктәп маршрутларына керүче юлларны чистарта. Бозлавык вакытында, куркыныч участокларга, таулы һәм борылма урыннарга тозлы ком сибелә. Мөслимне урап узучы юлга исә чиста тоз сибәләр. Бозлавык булу сәбәпле, Мөслим участогы эшчеләре биш юнәлештә юлларны чистартуга чыкты.