ТР мөфтие урынбасары Мөслимдә эшлекле сәфәрдә

Кичә районга эшлекле сәфәр белән ТР мөфтиенең беренче урынбасары Илфар хәзрәт Хәсәнов килде. Визит район башлыгы белән очрашудан башланды. Илфар хәзрәт үзәк шифаханәдә табиблар һәм шәфкать туташлары белән очрашты. Балалар поликлиникасында намаз бүлмәсен ачты, изге теләкләрен җиткерде. Җәмигь мәчетендә кунакны авыл имамнары каршы алды. Хәзрәт халык белән эшләүдә килеп туган бәхәсле мәсьәләләрне чишүдә дөрес юл сайлауларына басым ясады. Кызыксындырган сорауларга җавап бирде, авыллардагы имамнарның эше белән кызыксынды. Җәмәгатьчелек белән ахшам намазын укыганнан соң, хәләл үзәктә авыз ачу мәҗлесендә катнашты, соңыннан вәгазь укыды. 

Наилә Сәлахова фотосы