Егетләр өчен биш көнлек хәрби җыен үткәрелә

Бүген Мөслим гимназиясе базасында 10 сыйныфны тәмамлаган  егетләр өчен биш көнлек хәрби хезмәт нигезләре  буенча җыен башланды. Җыенда район мәктәпләрендә белем алучы 17 укучы катнаша. Егетләр биш көн дәвамында гиназиядә торып, хәрби өлкәдә белем һәм күнекмәләрен ныгытачаклар, теория һәм практикадан дәресләр алачаклар. Маршировка, автоматны, аның магазинын сүтеп-җыю, физик әзерлек күнекмәләре – барысы да план нигезендә башкарылачак. “Хәрбиләрне” биш тапкыр ашату каралган. Укучылар белән тормыш иминлеге нигезләре фәне укытучылары шөгыльләнә, ә җыенны районның ДОСААФ оешмасы оештыра.

Наилә Сәлахова фотолары