Исламга беренче адымнар

Әлеге проект Мөслимдә җиденче ел эшли. Алты ел эчендә курсларда 200гә якын кеше белем алган.

Проект мәчет каршындагы курсларга йөрергә вакыты булмаучыларга гыйбадәт нигезләрен үти башларга мөмкинлек бирү өчен махсус эшләнгән. Курсларга йөрүчеләр биш дәрестә намаз уку күнекмәләрен һәм ислам дине нигезләрен бушлай үзләштерә ала. Ул якшәмбе саен биш атна дәвамында 15.00-17.00 сәгатьләрдә Җәмигъ мәчетендә үткәрелә. Дәресләргә 14 яше тулган һәм аннан өлкәнрәк балалардан башлап, намаз укырга өйрәнергә теләге булган һәркем килә ала. Кагыйдә буларак, проектта катнашучыларның саны атна саен арта бара. Дәресләргә килүчеләрнең һәркайсы эш дәфтәре белән тәэмин ителгән. Анда һәр мөселман кешесе өчен мөһим белем урын алган.

Гөлназ Җәлилова фотосы.

Тулырак “Авыл утлары” газетасының 2024 ел 21 февраль санында укыгыз.