ДАИ

8 сентябрьгә кадәр барачак айлык кысаларында ДАИ хезмәткәрләре тарафыннан төрле чаралар үткәрелә. “Профилактик чараларның барысы да балаларның иминлеген тәэмин итү өчен эшләнә. Мәктәпләрдә иминлек дәресләре, рейдлар үткәреләчәк. Былтыр район юлларында балалар катнашында теркәлгән ике юл-транспорт һәлакәтендә бер бала имгәнгән. Быел да ике юл һәлакәтендә бер бала тән җәрәхәтләре алды. Ел башыннан балаларын махсус креслодан башка йөрткән 17 шоферга административ беркетмә төзелде. Юл йөрү кагыйдәләрен бозган 795 машина йөртүче җаваплылыкка тартылды”, – ди районның ДАИ җитәкчесе Феликс Мәгъданов.

Фото – Мөслим-информ архивыннан