Бу көнне Мөслимдә

1989 ел 26 январь

Коллектив уңышы

Район юл төзү ремонтлау участогы коллективы узган елны 1 миллионнан күбрәк сумлык эш башкарды. Аерым алганда, 4,6 километр озынлыкта Үрәзмәт – Сикия юлы файдалануга тапшырылды. 22 километр юлга капиталь ремонт уздырдык. Бәкәбез һәм Сөякәй арасында 40 метр озынлыкта тимер-бетон күпер сафка басты. Төзелеп килә торган яңа базаның ихатасы әйләндереп алынды, аңа керү юлы салынды. Ике квартиралы торак йорт төзи башладык. Боларга билгеле, коллектив членнарының намуслы хезмәте бәрабәренә ирешелде. Алар һәр эшне җаваплылык тоеп һәм яхшы сыйфат белән башкаралар, җиткерелгән заданиены арттырып үтиләр.

Ф. Галиев, участок начальнигы урынбасары.

Сәхифәне Наилә Сәлахова әзерләде

Фото- "Мөслим-информ" архивыннан