Бу көнне

1989 ел,14 март

Семинар-киңәшмә

“Урожай” колхозында хуҗалык җитәкчеләре, зооветработниклар, район партия, совет, хуҗалык активы катнашында семинар-киңәшмә булды. Практик өлештә дуңгызчылык тармагында дуңгызларны карау, тәрбияләү алымнары, симертү  турында колхоз председателе М. Сәлахов, баш зоотехник Ф.Мансуров иптәшләр сөйләделәр, сорауларга җавап бирделәр. Семинарның теоретик өлеше Тат.Бүләр культура йортында дәвам итте. Биредә район хуҗалыкларында техниканың язгы кыр эшләренә хәзерлек мәсьәләсе тикшерелде. КПСС райкомының беренче секретаре Җ.З.Вәлиуллин төп игътибарны игенчелек һәм терлекчелек тармакларында ашыгыч хәл итәсе проблемаларга юнәлдерергә өндәде.

Фото - "Мөслим-информ" архивыннан