Бу көнне Мөслимдә

27 июль. Чәчүгә әзерләнеп.

Бу көннәрдә колхозыбыз кырларында уңышны түкми-чәчми җыеп алу өчен көрәш бара. Безнең хуҗалыкта көзге чәчү 1000 гектар мәйданда үткәреләчәк. Аның 600 гектарын чиста пар пар җирләре алып тора. Чиста пар җирләрендә чүп үләннәренә каршы көрәш үрнәк төстә алып барыла. Хәзер бу мәйданнар өченче кат КПГ-4 культиваторлары белән эшкәртелә. Агротехник чараны үткәрүдә механизаторлар Нурмөхәммәт Мортазин, Дәүли Вәлиуллин һәм Мирзаһит Ситдиков зур тырышлык куялар. Чиста пар җирләре органик ашламага баетылды. Аерым участокларда ул һәр гектарга 60 тонна чыгарылды.

М.Нәбиев,Киров исемендәге колхозның баш агрономы.

Фото – «Мөслим-информ»