Бу көнне Мөслимдә

24 апрель. Фермада очрашу. 

Менә көткән көн килеп тә җитте. Без пионервожатый Светлана Бакыева җитәкчелегендә, дәртләнеп, товарлыклы-сөтчелек фермасына юл тоттык. Ферма эшчәннәре безне ачык йөз белән, шатланып каршы алдылар, эшләре хакында сөйләделәр, хезмәтләре белән таныштырдылар. Соңыннан V класс укучылары терлекчеләргә багышлап әдәби-музыкаль монтаж куйдылар. Очрашу укучылар өчен дә, терлекчеләр өчен дә күңелле үтте. Укучыларның белемен баетты, хезмәткә мәхәббәт уятты. Бу хатыбыз аша мәктәп интернатында аш пешерүче булып эшләүче Валентина Чухутинага да рәхмәт сүзләребезне җиткерәсе килә. Аның хезмәтеннән һәркайсыбыз канәгать. Ул һәрвакыт якты, көләч йөзле, интернатта яшәүче укучылар өчен кайгыртучан апа ул. Без аңа чын күңелдән рәхмәт белдерәбез.

Р. Әгъзәмова. Михайловка урта мәктәбе.

Фото – Мөслим-информ