Бу көнне Мөслимдә

22 июль. Савымны арттыралар

Куйбышев исемендәге колхозның Күбәк сөтчелек фермасы коллективы җәйге чорга үз алдына зур бурычлар билгеләде. Аларның иң әһәмиятлесе – һәр сыердан 1500 килограмм сөт савып алу. Биредә һәр сыердан алынган тәүлеклек продукция 11,9 килограмм тәшкил итә. Г.Ганиева җитәкчелегендәге бу коллективның узган чорда яулаган үре дә күркәм – яртыеллыкта һәр сыердан җитештерелгән продукция 1564 килограмм булып, ферма районда өченче урынга чыкты. Июльнең 20 көнендә һәр сыердан 224 килограмм сөт алынды.

Г.Мирзарифова.

Фото – «Мөслим-информ» архивыннан 

Безнең телеграм каналга кушылыгыз! Телеграм-канал

Без "Дзен"да! Дзен