Бездә шундый хәлләр бар

– Махсус хәрби операциядә катнашучы якташларыбызга ярдәм итү һәм гражданлык бердәмлеген күрсәтү максатыннан  Г.Тукай исемендәге мәктәптә “Ярдәм янәшә” акциясе оештырылды. Арабызда игелекле кешеләр күп булуы сөендерә. Мәктәбебез коллективы, әти-әниләре, укучылар көче белән зур күләмдә ярдәм җыелды. Шәхси гигиена кирәк-яраклары да, җылы оекбашлар, озак янучы шәмнәр, үлән чәйләре, консервалар, тиз әзерләнә торган ашлар, урын-җир кирәк-яраклары, какланган каз итләре, башка төр ризыклар һәм бик күп төрдәге медикаментлар, беренчел ярдәм күрсәтү чаралары туплый алдык. Акциядә катнашучы укучыларга, укытучыларга, әти-әниләргә ихластан рәхмәт! Кылган гамәлләрегез меңе белән үзегезгә кайтып ирешсен! Барчагызга да саулык-сәламәтлек, иминлек насыйп итсен, дөньяларыбыз тыныч булсын!

Фото – Мөслим-информ архивыннан