Әмәкәй мәктәбе укучылары өчен чираттагы кызыклы мастер-класс үтте

Мөслим туган якны өйрәнү музее хезмәткәрләре Әмәкәй мәктәбе укучылары өчен чираттагы кызыклы мастер-класс үткәрде.

Бу юлы балалар татар милли бизәнү әйбере — изү ясау серләре белән танышты. Осталык дәресендә укучылар изүнең төрләре, аларның бизәлеше һәм кулланылышы турында белде. Милли бизәкләрнең мәгънәсенә төшенеп, үз куллары белән матур эшләнмәләр әзерләп карадылар. Шулай ук бәйрәмнәрдә генә түгел, көндәлек тормышта да тагып йөрергә мөмкин булган заманча изү үрнәкләре белән дә таныштылар.

Мавыктыргыч һәм иҗади мохиттә узган чара һәркемгә күтәренке кәеф һәм онытылмас тәэсирләр бүләк итте.

Фотолар - Мөслим туган якны өйрәнү музеннан.