Бездә шундый хәлләр бар
Әфганчы авылдашларын искә алганнар
Симәк мәдәният йортында Әфган сугышы ветераны Зөфәр Садертдинов истәләгенә бильярд ярышлары үтте.
Ярышта Симәк авыл җирлегендә яшәүче 20ләп ир-егет катнашты. Беренче урынны Фәнүс Исламов алган. Икенче урынга – Фәнил Мифтахов, өченче урынга Илфат Габдрахманов чыккан. “Бәйгедә катнашучыларны мәрхүмнең тормыш иптәше Фәнисә Садретдинова сәламләде. Җиңүчеләргә иганәчеләр әзерләгән истәлекле бүләкләр тапшырылды. Истәлекле чара чәй табыны артында тәмамланды”, – дип хәбәр итә ярышларны оештыру Данил һәм Динар Госмановлар.
Данил Госманов фотолары.
Безнең телеграм каналга кушылыгыз! Телеграм-канал
Нет комментариев