Мөслим урта мәктәбе укучылары иҗаты

Әниемә
Дөньядагы иң матур сүз,
Иң кирәкле нинди сүз?
Җанга якын, иң газизе –
“Әни” дигән изге сүз!
Әни диеп дәшә алу –
Зур мәртәбә, зур бәхет!
Шушы бәхет бар чагында, 
Кирәк түгел һич тәхет!
Синең уңышларыңа да
Сөенүче кеше ул.
Иң олы хәзинә – әни!
Олы байлык әнә шул!
Әминә Мөхәммәтдинова, 
6 “Б” сыйныфы укучысы.
Мөслимем
Татарстанның көнчыгышында
Урнашкан Мөслимебез.
Без аны яратабыз
Олыбыз һәм кечебез.
Урамнары бигрәк төзек! 
Су буйларын әйтмим дә.
Кадерен белик, ямьсезләмик,
Матур яшик Мөслимдә!
Анда яши тырыш халык:
Барысы да эш сөя.
Яшә әле син, Мөслимем,
Барсын да сөя-сөя!
Диана Җаббарова,
6 “Б” сыйныфы укучысы.