Карлыган мул уңыш бирсен өчен нишләргә?

Карлыган уңышын җыйдык, алга таба нәрсә эшләргә? Июль-август айларында киләсе ел уңышын кайгыртырга кирәк. «Россия авыл хуҗалыгы үзәге» ФДБУ белгечләре шул хакта хәбәр итә.

Киңәшләр:

Корыган, картайган, авыру ботакларны кисәргә кирәк. Бу һава циркуляциясен тәэмин итәчәк.

Кызыл һәм ак карлыган куагы төбенә – 1-2 чиләк, кара карлыганга 3-4 чиләк су сибегез. Аннан көз көне генә су сибәрсез.

Тамырларына зыян китермичә генә җирне йомшартырга киңәш ителә.

Куакларны тукландырырга кирәк. Бер чиләк суда 1 аш кашыгы суперфосфат һәм калий сульфатын эретегез, аңа 1 стакан агач көле салыгыз һәм мондый катнашманы һәр куак төбенә салыгыз. Ике атнадан соң органик ашлама, мәсәлән, 1 чиләк компостны һәр куак төбенә сибегез.

Гөмбә авыруларыннан саклау өчен фунгицид препаратын кулланырга киңәш ителә. Корткычларга каршы инсектицидлар сибәргә кирәк.

Фото – «Мөслим-информ» архивыннан 

Безнең телеграм каналга кушылыгыз! Телеграм-канал

Без "Дзен"да! Дзен