Татарстанда 8 июньдә яңгыр, яшен һәм боз көтелә

Бүген республикада алмашынучан болытлы һава, урыны белән кыска вакытлы явым-төшем көтелә. Бу хакта ТР Гидрометеорология үзәге хәбәр итә. Төнлә һәм иртән аерым районнарда томан булуы ихтимал. Көндез кайбер территорияләрдә яшен, боз явуы көтелә.

Җил төньяктан һәм төньяк-көнбатыштан секундына 5-10 метр тизлек белән исә, көндез урыны белән 15-20 метрга кадәр җитәргә мөмкин.

Көндез һава +22...+27 градуска кадәр җылыначак.

Казанда алмашынучан болытлы һава, урыны белән кыска вакытлы яңгыр һәм яшен көтелә. Башкалада максималь температура көндез +24..+26 градус тәшкил итәчәк.

Чыганак: Татар-информ

Фото: Татар-информ