Мөслим-информ

Муслюмовский район

18+
2024 - Гаилә елы
Яңалыклар

БАКЧАЧЫЛАР КОЛАГЫНА: Май аенда ниләр утыртабыз?

Май - елның иң ямьле, бакчаларның ап-ак чәчәккә күмелә торган, яшелчә кишәрлекләрендә бигрәк тә яшелчәләрнең тәүге уңышларын күрсәтә торган ай.

 Атна-ун көннән кәбестәнең уртача өлгерешле сортларын (Слава, Осенняя Грибовская һ.б.) чәчәләр. Майның икенче яртысында кәбестәнең соң өлгерешле сортларына туфрак әзерлиләр һәм утырталар.
Кырау төшү көтелгәндә, бакча җиләге түтәлләрен һәм кырауга чыдамсызрак башка төр культураларның өстен камыш яки пленкалар белән каплыйлар.

Айныӊ беренче ункөнлегендә помидорны парникларга һәм пленкалы каркасларга күчереп утыртуны төгәллиләр.
Инде үсеп килә торган культураларның рәт араларын йомшарталар, кишер, чөгендер һ.б. шытымнарын сирәклиләр, иртә өлгерешле яшелчә культураларын органик һәм минераль ашламалар белән тукландыралар. Төрле борчаларга, кәбестә, суган һәм чөгендер чебеннәренә каршы бу корткыч бөҗәкләр зарарлый торган үсемлекләрне үлән төнәтмәләре, химик препаратлар белән эшкәртәләр.

 

Әгәр май ае коры торса, яшелчә культураларын, туфрак җилләгән саен, бу айда берничә тапкыр сугарырга туры килә. Моңа, бигрәк тә, кәбестә, кишер, чөгендер һ.б. культуралар таләпчән. Әгәр дә бакча җиләге кишәрлекләрендә корып коелган чәчәк бөреләре күрсәгез (аларны кура, бакча җиләге коңгызлары зарарлаган), җыеп алып яндырыгыз яисә кайнар суга салыгыз.
Майның икенче яртысы - җылы яратучы культураларга (кыяр, помидор, карбыз, кавын, кабак, ташкабак һ.б.) туфрак әзерләү вакыты. Шул ук вакытта кыяр чәчәргә яисә үрентеләрен ачык грунтка (пленка астына) күчереп утыртырга, ә 25 майдан соң помидор үрентеләрен, шулай ук, ачык грунтка күчереп утыртырга мөмкин.

Бакчагыз матур, кешеләр сокланырлык булсын, дисәгез, ял итә торган урынга газон эшләгез. Моның өчен май башында яшел үлән чәчәргә һәм аңа яхшылап су сибәргә кирәк. Әгәр бакчагызда газон бар икән, майда аның үләнен беренче тапкыр чабарга вакыт. Шулай ук вак куакларны формага китереп кисеп чыгу да җәй көне бакчагызның матурлыгында зур роль уйнар. Май башында җиләк-җимеш куаклары, агачлар утыртыгыз.
 

Майның өченче декадасында карлыган, крыжовник куакларын зарарлы бөҗәкләргә каршы тузганак төнәтмәсе белән эшкәртегез.
Язның бу аенда бакчада лалә, ландыш, рябчик, крокус, гиацинт кебек суганлы чәчкәләр чәчәк ата. Алар чәчәк ату белән өзеп ташларга ярамый, үзләре корып кипкәнен көтәргә кирәк. 20 майдан соң түтәлгә левкой, лобелия, хризантема, канәфер кебек берьеллык чәчәкләрнең үсентеләрен чыгарып утырталар. Көннәр җылы торса, настурция, ипомея, алиссум, бәрхет чәчәкләрен чәчәргә була.

Фото - Pixabay.com

 

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

3

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама
Реклама
2
X