Соңгы кыңгырау бәйрәме
27 мая 2024, 09:29
250
0
0
Район мәктәпләрендә чыгарылыш сыйныф укучылары өчен соңгы кыңгырау чыңлады.
Бүген район мәктәпләрендә шатлыклы да, моңсу да көн. Чөнки бүген укучылар, укытучылар һәм әти-әниләр Соңгы кыңгырау бәйрәменә җыелдылар.
Район буенча быел 9 сыйныфны 207 укучы тәмамлый. Унберенче сыйныфны тәмамлаучы 49 укучы кулына урта белем турындагы аттестат алачак.
Белем бирүдә тырыш хезмәтен куючы укытучылар рәхмәт һәм хөрмәтләү сүзләрен кабул иттеләр. Г. Тукай исемендәге Мөслим урта мәктәбенең “Ел укучысы” исеменә Айгөл Светлякова лаек булды. Чыгарылыш класс укучылары укытучыларына булган рәхмәт сүзләрен шигырь юллары аша җиткерделәр, истәлекле бүләкләр тапшырдылар. Бәйрәм чаралары укучыларның кызыклы чыгышлары белән дәвам итте.
Фәридә Гайнетдинова фотолары
Галерея
Оставляйте реакции
Мы работаем над улучшением нашего сервиса
Нет комментариев