Каникулга планнар...

Каникулга планнар...
Май аена керү белән, җәйге каникулга чыгасы килә башлый. Беркөнне әнием белән җәйгә планнар корып утырдык. Көннәр җылыту белән, бакчага матур-матур чәчәкләр утыртачакбыз. Җиләкләр дә өлгерә башлар, аларын да чиләк тутырып җыярбыз.
Бакчада чүп тә үсмичә тормас инде ул. Чүп утарга чыгарбыз да, арып кергәч, тәмләп чәй эчәрбез. Җәй көне су кермичә түзеп булмый инде. Мин кабартылган матрасымны алып барачакмын. Минем Дусай авылына кунакка да барасым бар әле. Качкын авылында да әбием көтә, аңа да ярдәм итәсем бар. Ооо, эшләрем бик күп. Җәйге каникул көннәре кайчан җитәр икән?!
Азалина Миргаләүова, Г.Тукай исемендәге Мөслим урта мәктәбенең 3 сыйныф укучысы.