Күркә кайнатмасы

Бик файдалы, тәмле кайнатма әзерләп була аннан. Райондашлары­быз да күркәләрдән кыш­кылыкка бик тәмле итеп кайнатма әзерли. Файда­лы булса да, нарат күркәсе кайнатмасын чамасын белеп кенә кулланыр­га кирәк. Кайберәүләргә ул аллергия бирә. Бала­ларга көненә иң күбе – бер, өлкәннәргә ике-өч аш кашыгы гына ашарга ярый. Мәлләтамак авылы егете Нияз Хәлиловтан тәмле кайнатма рецепты тәкъдим итәбез.

Кирәкле ингреди­ентлар: 1 килограмм на­рат күркәсе, 2 килограмм шикәр комы, 1 литр су.

Әзерләү тәртибе. Күркәләрне кичтән суга салып калдырабыз. Иртән күркәләрне сөзеп алып, суын саркытабыз. Зур кәстрүлдә сироп ясыйбыз: 1 литр чамасы суга шикәр комы салабыз. Баллы су әзер булгач, күркәләрне салабыз да, бер сәгать ча­масы талгын утта кайна­табыз. Күркәләр сагызла­на башлагач, уттан алып, суытабыз. Кәстрүлнең капкачын каплап кай­натканда күркәләр йом­шак булачак. Суынгач, стерильләштерелгән бан­каларга тутырабыз.

Тәмле булсын!

Фото – Н. Хәлиловның шәхси архивыннан.