Үткәннән бер мизгел

Бүгенге көндә Яр Чаллы шәһәрендә яшәүче актив хәбәрчебез Чәчкә Галиева әнә шундый тарихи фото җибәргән. Баланлы авылының әлеге йортларын Чәчкә Фазлыевнаның тормыш иптәше Таһир абый 1956 елда үзләренең ихатасыннан төшергән булган. 62 елдан соң биредә тормыш-көнкүрешнең ничек үзгәрүен астагы фотода күрергә була. Аны безгә Баланлыдан Ленара Галәева төшереп җибәрде. “Чәчкә апа юллаган фотодагы йортларны Бәдретдинова Мөсәббиха апа таныды. Таһир абый Галиевләр урынында бүген Ленара һәм Ринат Галәевләр яши. Каршы якта Гөлсинә һәм Фатыйх Сафиннарның йорты”, – ди Баланлы авыл җирлеге башлыгы Илүсә Исламова.