«Мөһим нәрсәләр турында сөйләшүләр” дәресе узды

Түбән Табын интернат-мәктәбендә узган “Мөһим нәрсәләр турында сөйләшүләр” дәресе “Россия халкының традицион кыйммәтләре” темасына багышланды һәм мәктәп музеенда узды.

"Дәрес барышында укучылар халкыбызның рухи мирасы, буыннан-буынга тапшырылып килгән гореф-гадәтләр, гаилә кыйммәтләре, Ватанга мәхәббәт, хезмәт сөючәнлек һәм бердәмлек турында фикер алыштылар. Балалар традицион кыйммәтләрнең җәмгыять тормышындагы әһәмияте, яшь буынны тәрбияләүдәге роле турында үз уй-фикерләре белән уртаклаштылар.

Мондый очрашулар укучыларда туган илгә карата хөрмәт, милләтебезнең мәдәниятенә һәм тарихына кызыксыну тәрбияләргә ярдәм итә", - дип хәбәр итәләр Түбән Табын интернат-мәктәбеннән.

Фотолар - Түбән Табын интернат-мәктәбеннән.

Безнең телеграм каналга кушылыгыз! Телеграм-канал

Без "Дзен"да! Дзен