Биектау районының «Байтик» сәламәтләндерү лагеренда республиканың яшь натуралистлары слеты узды

"Иң яхшы юннатлар отряды" бәйгесендә Мөслим гимназиясенең "Экокалейдоскоп" экология берләшмәсенә караган "Экодоблесть" отряды үз эшен тәкъдим итте һәм финалга чыккан 28 команда арасында 2 урынны яулады, җиңүче дипломына һәм кыйммәтле призга лаек булды.

"Иң яхшы фәнни-тикшеренү эше" номинациясендә Сөмбел Галиева лауреат дипломына лаек булды.

Укучыларның җитәкчеләре - биология укытучысы Ләйсән Бариева Татарстан Республикасында яшь натуралистлар хәрәкәтен үстерү буенча күпьеллык хезмәте өчен Рәхмәт хаты белән бүләкләнде.

 Фото - Мөслим гимназиясе архивыннан