Йөзүчеләр булдыра!

13 апрель 2021 - 20:26 Автор:

admin

Яңа Чишмә районында йөзү буенча ачык турнир үтте. Анда безнең районнан 2012-2008 елгы 17 спортчы катнашты.

Алар үз төркемнәрендә төрле дистанцияләрдә уңышлы чыгыш ясады. Ирекле стиль белән йөзүдә Динар Шәфигуллин – өченче, Нурислам Мотыйгуллин икенче урын яулады. Баттерфляй ысулы белән йөзүдә Нурислам икенче булды. Ирекле стиль белән йөзүдә үз төркемендә Айзат Галимҗановка тиңнәр табылмады, Шамил Шәмсевәлиев өченче урынны алды. Вилдан Фәсхиев – икенче урында. Аркада йөзү буенча үз төркемендә беренчелекне Булат Гатиатуллин яулады. Безнең йөзүчеләр эстафета ярышында җиңүгә иреште.