Йортлар төзекләнә, матурлана

Җирлегебездәге күпкатлы өч йортта хөкүмәт программасы нигезендә капиталь ремонт бара. Өч йортта да фасад ремонтлана һәм ишекләр алыштырыла. Пушкин урамындагы 82 нче йортта ремонт эшләренең – 65 проценты, Пушкин урамындагы 84 нче йортта 48 проценты төгәлләнгән. Кооператив урамындагы 152 нче йортта башкарыласы эшнең 14
проценты гына тәмамланган. Өч йортта да ремонт эшләрен “Строймус” җәмгыяте алып бара.