“Яшел ут-2022” бәйгесе узды

Мөслимдә балалар арасында юл-транспорт травматизмын кисәтү буенча “Кояшкай” балалар бакчасында “Яшел ут-2022” бәйгесе узды. Бәйге “Иң яхшы тәрбияче” һәм “Иң яхшы балалар бакчасы” номинацияләрендә бәяләнде. Конкурсның нигезләмәсе буенча балалар бакчалары коллективлары һәм аерым тәрбиячеләр бәйгегә альбом-материаллар туплап алып килде.

Бәйгедә 10 балалар бакчасы һәм 11 тәрбияченең эше каралды.Тәрбиячеләр балалар белән дәрес фрагментлары күрсәтте. Дәресләр барышында конкурсантларның балаларда кызыксындыру уятыу, бирелгэн материалларның оригинальлеге югары бәяләнде.