Янгын уяулык сорый

Салауз Мухан авылында 7 февраль көнне янгын булды. Бакча урамында шәхси хуҗалыкта төнлә белән мунчага ут каба. Электр чыбыгындагы кыска ялганыш сәбәпле килеп чыккан янгын нәтиҗәсендә мунчага шактый зыян килде. Бу – ел башыннан беренче янгын очрагы. Халыктан уяу булуларын сорыйбыз. Аеруча утын белән җылыта торган мунчаларны, электр хуҗалыгы төзеклеген даими күз уңында тотыгыз”, – дип хәбәр итә Мөслим һәм Сарман районнары буенча күзәтчелек эшчәнлеге өлкән инспекторы Ренат идиятуллин.