Янгынга каршы датчиклар урнаштырылды

Ялгыз яшәүче өлкәннәргә, күп балалы гаиләләргә, физик мөмкинлекләре чикле гражданнарның йортларына һәм фатирларына янгын чыгу турында хәбәр бирүче автоном җайланмалар урнаштырылып бетте. “225 йортка 792 данә шундый җайланма куелды. Гражданнар белән янгын куркынычсызлыгы таләпләрен үтәү буенча профилактик әңгәмәләр дә үткәреп, янгын куркынычсызлыгы таләпләре турында белешмәләр дә өләштек. Бу эш алга таба да дәвам итәчәк”, – ди Мөслим һәм Сарман районнары буенча янгын күзәтчелеге өлкән инспекторы Ренат Идиятуллин.

Фото-Pixabay.com