Ялган хәбәрләр

Республикада төрле алдашу очраклары арта, шул исәптән кәрәзле телефоннарга хәбәрләр җибәреп тә. Хатын-кыз тавышы бик ышанычлы рәвештә пенсионерларга 720 сум күләмендә түләү булырга тиешлеге хакында хәбәр итә. Һәм аны алу өчен 1 ноябрьгә кадәр пенсия бүлегенә гариза язарга кирәклеге турында әйтә.

Татарстан Республикасы буенча Россия Пенсия бүлеге кисәтә: пенсионерпларга бернинди өстәмә түләүләр дә көтелми. Бу хәбәрне мошенниклар тарата!

Исегезгә төшерәбез: агымдагы елда гражданнарның пенсияләре тулы күләмдә индексацияләнде, шул сәбәпле быел өстәмә түләүләр өчен нигез юк.

Барлык шикле очракларда да (843) 27-9-27-27 телефоны аша республика буенча Россия Пенсия фондының контакт-үзәгенә мөрәҗәгать итегез.

Мөслим районында клиентларны кабул итү хезмәте.