Хезмәткәр ризалыгыннан башка: Яңа ел бәйрәмнәрендә кемне эшкә чакыра алмыйсыз?

Яңа ел бәйрәмнәрендә Татарстан халкы 12 көн ял итәчәк. Кайбер татарстанлыларны ял көннәрендә эшкә чакырырга мөмкин. Хезмәткәрнең ризалыгыннан башка кемне бәйрәм көннәрендә эшкә тарта алмыйлар – «Татар-информ» материалында.

Бәйрәм көннәрендә эшкә чакыру тыелганнар

Эш бирүче ял көннәрендә йөккә узган хезмәткәрләрне һәм яшь үсмерләрне эшкә тарта алмый. Моннан тыш, бу очракта хезмәткәрне нинди сәбәп белән чакырулары әһәмияткә ия түгел.

Хезмәткәр ризалыгыннан башка эшкә тарта алмый торганнар

Аерым очракларда, эш бирүче хезмәткәрнең ризалыгыннан башка да ял көнендә эшкә чакырырга хокуклы. Ләкин бу кагыйдә түбәндәге категорияләргә кагылмый:

• Инвалидлыгы булган хезмәткәрләр;
• 3 яшькә кадәрге балалары булган ата-аналар;
• Сәламәтлеге чикле балалары булган ата-аналар;
• Күп балалы ата-аналар (ләкин кече балалары 14 яшькә тулмаган булса);
• 14 яшькә кадәрге баланы берүзе тәрбияләүче ата-ана;
• Авыру туганнарын караучылар;
• 14 яшькә кадәрге баланың ата-анасы, ләкин икенче ата-ана вахта ысулы белән эшли икән.