Укучыларыбыз яза. Дәреслекләр җитми

Динара СӘЛАХОВА, 
Мөслим: 
– Уку елы башлану белән туган беренче проблема – дәреслекләр җитмәү. Нигә аны уку елы башлангач кына әйтәләр икән?! Класста ничә укучы икәнлеге алдан билгеле бит, югыйсә! Кайсы авторның нинди китабы кирәк булачагын алдан әйтергә мөмкиндер бит?! Уку елы башлангач: “Киләсе дәрестә китабыгыз булмаса, “2ле” куям”, – дип куркыта укытучылар. Мөслимдә сатуда булмаса, ата-ана китап эзләп Казанга чыгып китсенме, Мәскәүгәме?! Китап белән тәэмин итү мәктәп эше түгелмени ул?! Дәреслекләр белән тәэмин итәрлек булмагач, нигә укыту программасын ел саен үзгәртергә?! Белем балаларга кирәк дигәч тә, урта белем алу бездә әлегә бушлай бит әле. “Китапларның ксерокопиясен ясадык. Биремнәрне ватсаптан җибәрәләр, өй эшләрен телефоннан эшлибез” диючеләр дә бар. Болай булмый бит инде, җәмәгать. Без укытучыларның хәлен аңлыйбыз. Ярдәм итәргә дә һәрвакыт әзер. Аңлашып эшләсәк иде.

Фото-Pixabay.com