Укучылар проект яклый

Проект Мөслимнең тарихын һәм бүгенгесен, җирлегебезнең күренекле шәхесләрен, аларның хезмәтен, мөслимлеләр кагыйдәләрен өйрәнүне таләп итә. Укучылар һәр өлкәдә дә белемле, мәгълүматлы булуларын күрсәтә алдылар.

– Уку елы ахырында укучылары­быз үз проектларын якларга тиеш. Һәр укучы үзе сайлаган проек­тны тәкъдим итә. Көз көне ике уку­чыбыз, урманнан агач үсентеләре алып кайтып, аларны гимназия территориясендә утыртты. Бу эш про­ект буларак тәкъдим ителде. Спорт юнәлешендә эшләүчеләр булды. Зөлфия Гыйльфанова исә татар телен камил белүен халыкара олимпиада­ларда исбатлады. “Мөслим әдипләре” квест-уенында һәр сыйныф команда­сы тугыз төр ярышта белемнәрен сы­нады, – ди гимназия директоры Азат Мирзаянов.

Проектларны укучылар уку елы башында ук сайлап ала һәм ел дәвамында үзләре өстенлек биргән юнәлеш буенча эшли. Төп таләп – проект продуктив булырга, ягъни теория белән практик өлеш тәңгәл килергә тиеш.

– Проект чаралар оештыру белән бәйле булганда сыйныфташлары­быз да ярдәмгә килә. Әлеге квест-уен белемнәрне дә ныгытты, тәҗрибә ур­таклашу, аралашу мәйданы да булды, – ди Зөлфия.

– Гимназиядә чаралар зур ауди­тория һәм оешканлык белән үтә. Бу укучыларның бердәмлеген, үзара аңлашып эшләүләрен күрсәтә. Укучыларның бер-берсенә ярдәм итәргә әзер булуларын күрү – безнең өчен зур сөенеч, – ди Азат Мирзаянов.

Укучылар заман белән бергә ат­лый. Алар сайлаган проектларның күбесе фән, журналистика, сәясәт, сәламәтлек, шушы өлкәләрдәге эшчәнлекне анализлау белән бәйле. Укучылар укытучыларга методик ярдәмлекләр дә әзерләшә.

Лилия Шәймиева.

Лилия Шәймиева фотосы.