Балалар музейда кунакта

Музей хезмәткәрләре сабыйларга төрле экспозицияләр күрсәтелде, балалар борынгы бабаларыбызның яшәү рәвеше белән дә танышты. Туган як музеенда борынгы бабаларыбызның гореф-гадәтләре, яшәү рәвеше һаман да сакланадыр кебек. Татар өен хәзер музейларда гына күреп белгән буын – балалар әлегә экскурсиягә чын мәгънәсендә куандылар. Музей хезмәткәретабигать һәм археология залы Венера Мирһаҗиянова балаларга мичтә ипекәй пешерү сере турында да сөйләде, бишек, үрелгән чабаталар, татар рухын саклаган традицияләргә дә тукталды. Мичтән чыккан икмәкне ашау экскурсиянең иң күңелле мизгелләре булгандыр. Балалар музейның башка залларында да булдылар. Хайваннар, үсемлекләр, кошлар дөньясын гәүдәләндергән табигать һәм археология, этнография залларында балалар бик күп экспонатлар белән таныштылар, истәлеккә фотога да төштеләр. Бу көннәрдә музейның Мөслимне сурәтләгән стендлары да үзгәртелеп, яңалары куелды, күргәзмәләр залы яңартылды.