ТР Президенты: безнең нефть күп, әмма полимер һәм каучуклар белән акча эшләячәкбез

Бүген бу хакта Татарстан Республикасы Президенты Рөстәм Миңнеханов ТР финанс, казначылык һәм салым органнарының йомгаклау коллегиясендә хәбәр итте.
«Мин ышанычлы әйтә алам: безнең нефть төрле формаларда бик күп. Нефть сәнәгате булды һәм шулай калачак та. Әмма без нефть сатмаска, аны эшкәртергә, нефть химиясе продуктларына, полимерларга, каучукларга күчерергә ниятлибез. Моның белән акча эшләячәкбез", - дип ассызыклады ул.
Республиканың нефть керемнәре кимүгә карамастан, бу чор узачак. Нефть бәяләре акрынлап тотрыкланырга тиеш, дип саный Татарстан Республикасы Президенты: 
«2020 елның сигез аена 34 млрд.сум узган елга карата минус бар. Бу бик авыр. Әмма федераль ярдәм әлегә зур түгел, без әле ярдәмгә өметләнәбез. Без хәлне төзәтәчәкбез,"-диде Рөстәм Миңнеханов.
 Тулырак мәгълүмат: https://www.tatar-inform.ru/news/official/10-09-2020/prezident-rt-u-nas-mnogo-nefti-no-zarabatyvat-budem-na-polimerah-i-kauchukah-5770189