ТР Мәгариф һәм фән министрлыгында дистанцион укуның белем бирү сыйфатына йогынтысы турында сөйләделәр
Укытуның дистанцион форматы белем бирү сыйфатына һәм БДИ нәтиҗәләренә йогынты ясарга тиеш түгел, дип саный ТР Мәгариф һәм фән министры Рафис Борһанов.
"Сүз 9 һәм 11 сыйныф укучылары турында бара. Бу сыйныф укучылары еш кына дистанцион укыту формасын үзләренең әзерлеге өчен кулландылар. Вузларга әзерләнүчеләр өчен мондый формада уку зур проблема булмас дип уйлыйм. Көчле укучылар, бәлки, имтиханны хәтта яхшырак та тапшырырлар. Нәтиҗәләр узган еллардагыдан начаррак булмасын иде", - диде министр.
Борһанов әйтүенчә дүртенче уку чирегендә балалар узган материалны кабатлыйлар, дип билгеләп үтте. Аның фикеренчә, тулаем алганда, дистанцион укытуда балаларның өлгереше зыян күрергә тиеш түгел.
https://www.tatar-inform.ru/news/society/18-04-2020/v-minobre-rt-rasskazali-povliyaet-li-distantsionka-na-kachestvo-obrazovaniya-5737049
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев