Тәмлетамак. Ләвәшкә төрелгән рулет

Көтмәгәндә килеп кергән кунакларны сыйлау өчен дә тиз генә ясарга мөмкин аны.

Рулет өчен 1 ләвәш, 200 г краб таякчыклары, пешкән 4 йомырка, 4 тырнак сарымсак, укроп, 3 аш кашыгы майонез кирәк. Иң элек краб таякчыкларын һәм йомырканы вак итеп турарга, кыскыч аша чыгарылган сарымсакны майонез белән болгатып, ләвәш өстенә юка гына итеп сыларга кирәк. Аның өстенә майонез белән болгатылган ингредиентларны тигезләп җәябез.

Аннары вак кыргычтан уылган сыр, туралган укроп сибәбез. Ләвәшне артык нык тыгызламыйча төреп, салкын урынга куеп торабыз. Рулетны тигез бүлемнәргә кисеп, тәлинкәгә тезеп чыгарабыз. Өстенә укроп яисә яшел тәмләткечләр сибәргә мөмкин. Ашларыгыз тәмле булсын!

Фото-Pixabay.com