Тәмлетамак. Гөлүсәдән – ватрушка
Кибетләрдә “королевская ватрушка” дип йөртелүче бик тәмле пирог тәкъдим ителә. Уңган хуҗабикәләр аны өй шартларында да пешерү җаен таба. Райондашыбыз Гөлүсә Маннановадан “королевская ватрушка” рецептын тәкъдим итәбез.
Кирәкле ингредиентлар: 250-300 грамм акмай, бер стакан манный ярмасы, бер стакан он һәм бер стакан шикәр комы, ярты чәй калагы чәй содасы. Эчлек өчен 450 грамм эремчек, 3 йомырка, тәменчә шикәр комы кирәк.
Әзерләү тәртибе. Акмайны угычтан чыгарып, өстенә калган ингредиентларны – манный, он һәм шикәр комын, чәй содасын өстәп, берләштереп, яхшылап уабыз. Камырны ике өлешкә бүләргә кирәк. Майлы табага камырның беренче өлешен җәябез (таратабыз). (Пирогның аскы өлешенә камырны күбрәк калдырырга кирәк, өскә әзрәк булса да ярый). Аның өстенә эчлекне салабыз да, аның өстенә камырның икенче өлешен сибеп бетерәбез. Пирог якынча 35-40 минут пешә.
Тәмле булсын!
Рубриканы Лилия Шәймиева алып бара.
Фото – Г. Маннанованың гаилә архивыннан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев