Мөслим-информ

Муслюмовский район

18+
Яңалыклар

Тәмлетамак. Аленадан – татарча азу

Классик татар рецепты буенча азу бик тәмле һәм туклыклы була. Райондашыбыз Алена Виноградовадан татарча азу рецептын тәкъдим итәбез. “Яшелчәләр белән сыер ите бик тәмле һәм йомшак булып пешә. Кичке аш өчен менә дигән ризык! Балалар да азуны яратып ашый”, – ди Алена.

Кирәкле ингредиент­лар: ярты кило сыер ите, уртача зурлыктагы өч баш суган, өч данә тозлы кыяр, уртача зурлыктагы дүрт- биш бәрәңге, ике аш кала­гы томат пастасы, өч тыр­нак сарымсак, бер стакан (250 грамм) шулпа яисә кайнаган су, тәменчә тоз һәм борыч, ике-өч данә лавр яфрагы, көнбагыш мае.

Әзерләү тәртибе. Сыер итен юып, юка телемнәргә кисәбез. Итне тирән ка­занда көнбагыш маен­да кыздырабыз. Суганны ярымбоҗралап турыйбыз һәм, ит янына салып, ал­тынсу төскә кергәнче кыз­дырабыз. Тозлы кыяр­ны угыч аша чыгарып, ит белән суган янына өстибез. Ит өстенә ике аш кашыгы томат пастасы салабыз. Бәрәңгене нечкә итеп са­ламлап турыйбыз һәм ка­занга салабыз. Бәрәңге өстенә бер стакан шулпа яисә су, тоз, борыч өстибез. Лавр яфрагы һәм ваклан­ган сарымсак салабыз. Азу­ны талгын утта бер сәгать пешерәбез. Әзер булгач, тирән тәлинкәләргә салып, өстенә укроп сибеп, табын­га бирәбез.

Тәмле булсын!

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама