Татарстанда кышның беренче ае гадәттәгедән җылырак булачак

Кышның беренче аенда Татарстанда уртача айлык температура климатик нормадан 1 градуска артыграк булачак. Бу хакта ТР Гидрометүзәгендә хәбәр иттеләр.

Декабрь өчен республикада температура -8,9 градус, ә Казан өчен -7,9 градус норма булып санала.
Синоптиклар явым-төшем турында да сөйләделәр. Аларның айлык саны климат нормасына якын булачак, ул төбәк буенча 37 мм һәм ТР башкаласы өчен 50 мм тәшкил итә.

Фото: © «Татар-информ», Рамил Гали

Тулырак: https://tatar-inform.tatar/news/tatarstanda-kysnyn-berence-ae-gadattagedan-ylyrak-bulacak-5896984